Үйл явдлын мэдээлэл

2024-2025 оны хичээлийн жилийн Ахлах ангийн 7 дахь үе, дунд ангийн 10 дэх үеийн төгсөлтийн баяр

12 жилийн өмнө аав ээждээ хөтлүүлэн сургуульдаа орсон бяцхан сурагчид маань өнөөдөр өсөж том болжээ. Логарифм хэмээх дулаахан бас том гэр бүлийн эрч хүчтэй, авьяаслаг, идэвхтэй, хөгжилтэй, бас дэггүй та нар маань ингээд тал тал тийшээ нисэж, амьдралынхаа дараагийн түүхийн хуудсаа бүтээхээр даль жигүүрээ дэлгэж, догдлон суугаа энэ мөч үнэхээр гайхамшигтай, бас түүний тань нэгээхэн хэсэг болж байгаадаа багш нар бид чинь азтай.

3 минут06 сарын 12 60

Энэ баярт мөчид үр хүүхдийнхээ төлөө байнга сэтгэл зүрх нь цохилдог, эрүүл саруул өсгөн хүмүүжүүлж, боловсролд нь анхаарч хөрөнгө оруулахын төлөө уйгагүй хөдөлмөрлөдөг ачит эцэг эх, эмээ өвөө, ах дүүст нь талархал илэрхийлж, хамгаас том чин сэтгэлийн халуун баярыг хамт олныхоо зүгээс хүргэе.

Сургуулийн үүсгэн байгуулагчдын зүгээс суурь боловсролоо дүүргэж ахлах ангидаа дэвшин суралцаж буй сурагчдаасаа өөрийгөө дайчлан хичээнгүйлэн суралцаж, зан чанар, идэвхи зүтгэлээрээ бусдадаа үлгэр дуурайлал болсон сурагчдаа дэмжин ахлах ангидаа 20-50% хөнгөлөлттэй суралцах тэтгэлэг зарладаг билээ. Тэтгэлгийн эзэд болсон хүүхдүүддээ баяр хүргэж, амжилт хүсье!

"Чин сэтгэл - Амжилтын үндэс" Ахлах ангид суралцах сургалтын тэтгэлэг:

9а ангийн сурагч А.Элбэг X-XII ангидаа 50% буюу 12,975,000 төгрөгийн хөнгөлөлттэй суралцах сургалтын тэтгэлэг

9а ангийн сурагч А.Нэгүүн X-XII ангидаа 50% буюу 12,975,000 төгрөгийн хөнгөлөлттэй суралцах сургалтын тэтгэлэг

9б ангийн сурагч Э.Есүй X-XII ангидаа 30% буюу 7,785,000 төгрөгийн хөнгөлөлттэй суралцах сургалтын тэтгэлэг

9б ангийн сурагч Ү.Цэгц X-XII ангидаа 30% буюу 7,785,000 төгрөгийн хөнгөлөлттэй суралцах сургалтын тэтгэлэг

9в ангийн сурагч А.Ундрал X-XII ангидаа 30% буюу 7,785,000 төгрөгийн хөнгөлөлттэй суралцах сургалтын тэтгэлэг

"Чин сэтгэл - Тэсвэр хатуужил" Ахлах ангид суралцах спортын тэтгэлэг:

9в ангийн сурагч Б.Эрхэмбаяр X-XII ангидаа 50% буюу хөнгөлөлттэй 12,925,000 төгрөгийн суралцах сагсан бөмбөгийн спортын тэтгэлэг

Спортын 1-р зэрэг:

12а ангийн сурагч О.Нарандэлгэр - Волейболын бөмбөгийн төрөлд спортын 1-р зэрэг

12б ангийн сурагч Б.Түвшинбат - Волейболын бөмбөгийн төрөлд спортын 1-р зэрэг

12а ангийн сурагч А.Хишигт - Волейболын бөмбөгийн төрөлд спортын 1-р зэрэг

12а ангийн сурагч Ж.Билгүүн - Волейболын бөмбөгийн төрөлд спортын 1-р зэрэг

Ахлах ангиа амжилттай төгсгөж буй Д.Мэндбаяр, Д.Пүрэвням, дунд ангиа амжилттай даан төгсгөж буй Д.Дэнсэнбал, Б.Маралмаа, М.Болор-Эрдэнэ багш нартаа талархал илэрхийлж, халуун баяр хүргээд, багшлахуйн их үйлсэд нь өндөр амжилт хүсье.